दबाबमा एथ्लेटिको मड्रिड, रियल मड्रिडको महत्वपूर्ण जित

एजेन्सी ।
रियल मड्रिडले स्पेनिस ला लिगा फुटबलको शीर्ष स्थानमा रहेको एथ्लेटिको मड्रिडमाथि दबाब बढाउँदै लगेको छ । लिग अन्तर्गत शनिबार राति भएको खेलमा जित निकालेको रियल मड्रिडले शीर्ष स्थानको एथ्लेटिकोसँगको अंक दूरी तीनमा झारेको छ ।

अवे मैदानमा भएको खेलमा रियल मड्रिडले रियल भालाडोलिडलाई १–० ले पराजित गरेको हो । रियलको जितमा ६५ औँ मिनेटमा कासेमिरोले गरेको गोल नै निर्णायक बन्यो ।

जितपछि दोस्रो स्थानको रियल मड्रिडको २४ खेलबाट ५२ अंक भएको छ । एक खेल कम खेलेको शीर्ष स्थानको एथ्लेटिको मड्रिडको ५५ अंक छ ।

शनिबार राति नै भएका अरु खेलमा एल्चीले एइबरलाई १–० तथा भ्यालेन्सियाले सेल्टा डी भिगोलाई २–० ले पराजित गरेका छन् ।