एजेन्सी ।
स्पेनिस ला लिगा फुटबल अन्तर्गत शनिबार राति भएको खेलमा शीर्ष स्थानको एथ्लेटिको मड्रिड स्तब्ध भएको छ ।
घरेलु मैदानमा भएको खेलमा एथ्लेटिको मड्रिड लेभान्टेसँग २–० ले पराजित भएको हो । भ्रमण टोली लेभान्टेले पहिलो हाफमा उपहार गोल पायो भने इन्जुरी समयको अन्तिममा एक गोल गर्न सफल भयो ।
एथ्लेटिको मड्रिडका हर्मोसोले ३० औँ मिनेटमा आत्मघाती गोल गरे । इन्जुरी समयको पाँचौँ अर्थात ९५ औँ मिनेटमा होर्गे डी फ्रुतोसले गोल गरि लेभान्टेलाई २–० को जित दिलाएका हुन् ।
पराजित भए पनि एथ्लेटिको मड्रिड शीर्ष स्थानमै कायम छ । उसको २३ खेलबाट ५५ अंक भएको छ । ३१ अंकसहित लेभान्टे आठौँ स्थानमा छ ।
प्रतिक्रिया