आईपीएल इतिहासकै सबैभन्दा महँगा खेलाडी बने क्रिस मरिस

काठमाण्डौ ।
भारतको टी–२० क्रिकेट लिग इण्डियन प्रिमियर लिग आईपीएल का लागि खेलाडीको अक्शन सुरु भएको छ । चेन्नईमा चलिरहेको यसपालिको अक्शनमा ६१ खेलाडी छानिएका छन् ।
अहिलेसम्मको अक्शनमा दक्षिण अफ्रिकाका क्रिस मरिस सबैभन्दा महँगा खेलाडी बनेका छन् । उनलाई राजस्थान रोयल्सले १६ करोड २५ लाख भारुमा लिएको हो । यो आईपीएल इतिहासमा अहिलेसम्मकै सबैभन्दा महँगो अनुबन्ध हो ।
उनीपछि अस्ट्रेलियाका ग्लेन म्याक्सवेल सबैभन्दा महँगो साबित भए । उनलाई रोयल च्यालेन्जर्स बेङ्गलोरले १४ करोड २५ लाख भारुमा अनुबन्ध गरेको हो ।
यो संस्करणको अनुबन्धमा सबैभन्दा पहिला भारतका करुण नायरको नाम आएको थियो तर उनलाई कुनै टिमले अनुबन्ध गरेन ।