फागुन ७ गतेदेखि बाणगंगामा १ लाख बढीको खुल्ला फुटवल, १२ टिम सहभागी

मायादेवी अनलाइन, चारनम्बर ।

कपिलवस्तुको बाणगंगा नगरपालिकामा फागुन ७ गते (आउँदो शुक्रबार) देखि खुल्ला फुटवल प्रतियोगिता हुने भएको छ ।

नगरको वडा नम्बर १ बुङचीमा रहेको सिद्धार्थ खेल मैदानमा ‘प्रथम सुर्योदय खुला नकआउट फुटवल’ प्रतियोगिता हुन लागेको हो । स्थानीय सूर्योदय सामाजिक विकास संस्थाको आयोजनामा हुने प्रतियोगितामा कपिलवस्तुसहित लुम्बिनी प्रदेशका बिभिन्न १२ टोलीले भाग लिने अध्यक्ष सरोज कुमार सेनले मायादेवी अनलाइनलाई जानकारी दिनुभयो । उहाँका अनुसार दिउसो १ बजेबाट खेल प्रारम्भ हुनेछ ।

प्रतियोगिताको विजेता टोलील नगद १ लाख १ हजार १ सय ११, उपविजेता टिमले ५५ हजार ५ सय ५५ रुपैयासहित शिल्ड मेडल र प्रमाण पत्र पाउने छन् भने विधागततर्फ सर्वोत्कृष्ट खेलाडी, सर्वाधिक गोलकर्ता, उत्कृष्ट फरवार्ड, उत्कृष्ट डिफेण्डर, अनुशाषित लगायतका खेलाडीलाई पनि सम्मान गरिने खेल संयोजक रमेश मल्लले जानकारी दिनुभयो ।

खुल्ला प्रतियोगिता भएकाले राष्ट्रिय अन्र्तराष्ट्रिय खेलाडीको पनि सहभागिता हुनेमा संस्थाले विश्वास लिएको आर्थिक बिभाग संयोजक चन्द्रकान्त पोख्रेलले बताउनु भयो । स्थानीय स्तरमा फुटवल खेलको विकास गर्न र नयाँ प्रतिभालाई उजागर गर्न प्रतियोगिता फलदायी हुने संस्थाले जनाएको छ । उत्कृष्ट टिमहरु सहभागि भएको हुँदै खेल निकै रोमाञ्चक र प्रतिस्पर्धात्मक हुने बताइएको छ ।