च्याम्पियन्स लिगमा लिभरपुलको महत्वपूर्ण जित

एजेन्सी ।
च्याम्पियन्स लिग फुटबल अन्तर्गत अन्तिम १६ को पहिलो लेगमा लिभरपुल विजयी भएको छ । मंगलबार राति भएको खेलमा लिभरपुलले आरबी लेइप्जिगलाई उसकै मैदानमा २–० ले पराजित गरेको हो ।

भ्रमण टोली लिभरपुलका लागि मोहम्मद सालह र साडिओ मानेले गोल गरेका हुन् । दुवै गोल दोस्रो हाफमा भएको हो ।

५३ औँ मिनेटमा सालह तथा ५८ औँ मिनेटमा मानेले गोल गरे । दोस्रो लेग आउँदो मार्च १० मा लिभरपुलको मैदानमा हुनेछ ।