वाणगंगामा जारी महिला भलिवलमा आज उपाधि भिडन्त, कसले जित्ला १ लाख ?

मायादेवी अनलाइन, चार नम्बर ।

कपिलवस्तुको वाणगंगा नगरपालिका वडा नम्बर २ पिपरामा जारी प्रथम हिलवर्ट राष्ट्रिय महिला भलिवल प्रतियोगिताको सेमिफाइनल समिकरण पुरा भएको छ ।

प्रतियोगिता अन्तर्गत दोश्रो दिनमा भएको खेलमा विजयी हुदै होङजी न्यूडायमण्डौ, एभरेष्ट बोर्डिङ स्कुल बुटवल, कुवरवर्ती बोर्डिङ स्कुल रातो रुपन्देही र होराइजन फुटवल क्लव बुटवल सेमिफाइनलमा प्रवेश गरेका हुन् ।

सेमिफाइनलका खेलहरु आज विहान ८ बजेबाट सुरु भएका छन् । पहिलो खेलमा अहिले एभरेष्ट र कुँवरवर्ती रातो तथा दोश्रो खेलमा न्यू डायमण्ड र होराइजनबीच प्रतिस्पर्धा हुने छ । त्यस्तै आज नै फाइनल भीडन्त हुने आयोजक हिलवर्ट बोर्डिङ स्कुलका अध्यक्ष दीपक खनालले बताउनु भयो । प्रतियोगितामा दर्शकहरुको पनि बाक्लो उपस्थिति छ । न्यू डायमण्ड, होराइजन र कुँवरवर्ति उपाधिका प्रमुख दावेदार टोली हुन् ।

राष्ट्रिय महिला भलिवल च्याम्पियन्स विजेताले आज एक लाख नगद, शिल्ड, मेडल र प्रमाणपत्र पाउने छन् । उपविजेताले ७० हजार सहित शिल्ड, मेडल र प्रमाणपत्र पाउने छन् ।