काठमाण्डौँ ।
मौसम पूर्वानुमान महाशाखाले आज देशका पहाडी भू–भागका केही स्थानमा हल्का वर्षा हुने सम्भावना रहेको जनाएको छ ।
त्यस्तै उच्च पहाडी तथा हिमाली भू–भागमा हल्का हिमपातको सम्भावना छ भने तराईका केही स्थानमा बिहानीपख हुस्सुरकुहिरो लाग्ने सम्भावना छ ।
हाल नेपालमा पश्चिमी वायुको प्रभाव रहेको जानकारी दिँदै महाशाखाले प्रदेश नं. १, कर्णाली, सुदूरपश्चिम, गण्डकी तथा बाग्मती प्रदेशमा आंशिक बदली रही अन्य भू–भागमा मौसम सामान्यतया सफा रहेको जनाएको छ ।
सोमबार देशभर बदली रही उच्च पहाडी तथा हिमाली भू–भागका केही स्थानमा हल्का हिमपातको सम्भावना छ । त्यस्तै पहाडी भू–भागका केही स्थानमा हल्का वर्षा हुने तथा देशभर तापक्रममा हल्का गिरावट आउने महाशाखाको पूर्वानुमान छ ।
प्रतिक्रिया