कपिलवस्तुमा पनि लखन स्मृति दिवस मनाईयो

मायादेवी अनलाइन, जितपुर ।

कपिलवस्तुमा पनि लखन स्मृति दिवस मनाइएको छ । नेपालका प्रथम सहिद लखन थापाको १४४ औं स्मृति दिवसमा नेपाल मगर संघ कपिलवस्तुले विशेष कार्यक्रमको आयोजना गरेको हो ।

कार्यक्रममा बोल्दै प्रदेश सांसद विष्णु पन्थीले प्रथम सहिद लखन थापा आफ्नो जीवनै प्रेरणाको स्रोत रहेको बताउनुभयो । देशमा आमुल परिवर्तन ल्याउन थापाको भूमिका अविश्वरणीय रहेको भन्दै सहिदको सपना साकार पर्न सबै एकजुट भएकर लाग्नुपर्ने बताउनुभयो ।

सांसद पन्थीले लखन थापाको तस्वीरमा माल्यापर्ण गर्नुभएको थियो । यस्तै बाणगंगा नगरपालिकाका उप-प्रमुख चक्रपाणी अर्यालले लखन थापाप्रति श्रदाञ्जली व्यक्त गर्दै देशका लागि आहुति दिने थापाको भूमिकाबाट आम जनसमुदायले धेरै प्रेरणा लिन सक्ने बताउनुभएको छ ।

नेपाल मगर संघ कपिलवस्तुका अध्यक्ष मोहन सिंजाली मगरले प्रदेशमा मगर जातीको बाहुल्यता रहेकाले मगर समुदायलाई विशेष महत्वका साथ हेर्नु पर्ने बताउनुभएको छ ।

कार्यक्रम नेपाल मगर संघ कपिलवस्तुका उपाध्यक्ष उत्तम आलेको स्वागत मन्तब्य र मिना राना मगरको संचालनमा सम्पन्न भएको हो ।