केही छिनमै संघले नयाँ नेतृत्व पाउँदै, चारनम्बर र बोडगाउँको नतिजा एकै पटक

मायादेवी अनलाइन, चार नम्बर ।

कपिलवस्तु उद्योग बाणिज्य संघले आज आठौँ नेतृत्व पाउँदै छ । गत माघ २३ गते १४ औँ बार्षिक साधारण भएकोमा हिजो मतदान भएको थियो । यो समाचार तयार पार्दासम्म अब अन्तिम चरणमा मत गन्ने काम भइरहेको छ ।

बोडगाउँ र चार नम्बरको गणना गणना अन्तिम चरणमा छ । अबको १ घण्टामा त्यो मत आएपछि संघले बेलबासे या घिमिरेमध्ये १ जनालाई अध्यक्षको रुपमा पाउने निर्वाचन मण्डलले जनाएको छ । संघका अध्यक्ष उमानाथ पौडेलले बढीमा १ घण्टाभित्र नयाँ अध्यक्षको नाम घोषणा हुने छ ।