उत्तराखण्ड हिमनदी विस्फोटः ज्यान गुमाउनेको संख्या २६ पुग्यो, १७१ जना अझै बेपत्ता

काठमाण्डौ ।

भारतको उत्तराखण्डमा बाढीमा परेर ज्यान गुमाउनेको संख्या २६ पुगेको छ । अहिलेसम्म २६ जनाको शव भेटिएको भारतीय सञ्चारमाध्यमले जनाएका छन् । बाढीमा परेर अझै १७१ जना हराइरहेका छन् । यस्तै निर्माण भइरहेको सुरुङमा ३० देखि ३५ जना फसेको आशङ्कामा उद्धारको प्रयास भइरहेको उत्तराखण्डका मुख्यमन्त्री त्रिवेन्द्रसिंह रावतले बताउनुभयो ।

सुरुङलाई रातभरि खोल्ने प्रयास गरिए पनि कसैसँग पनि सम्पर्क हुन नसकेको खबरमा उल्लेख गरिएको छ ।