सहिदद्धय बेल्बासेको सम्मानस्वरुप शुवर्णखालमा ‘स्मृति पार्क’ निर्माण गरिँदै

मायादेवी अनलाइन, चारनम्बर ।

अर्घाखाँची जिल्लाको शितगंगा नगरपालिका वार्ड नं १ शुवर्णखालमा स्मृति पार्क निर्माण गरिने भएको छ । शुवर्णखालमा सहिद मीन प्रसाद बेल्बासे र यज्ञ प्रसाद बेल्बासेको नाममा स्मृति पार्क निर्माण गरिने भएको हो । अहिले स्मृति पार्क निर्माण कार्य भइरहेको छ ।

माओवादीले २०६३ बैशाख १३ गते मीन प्रसाद बेल्बासे र यज्ञ प्रसाद बेल्बासेको हत्या गरेका थिए । मीन गाबिस सचिव र यज्ञ प्रसाद साबिक को सुवर्णखाल गाबिस अध्यक्ष हुनुहुन्थ्यो । तत्कालिन समयमा उहाँहरुले सम्पूर्ण गाबिसबासीको लागि निकै उदाहरणीय काम गर्नु भएको थियो । स्मृति पार्क निर्माण गर्न बिगत बर्षमा शितगंगा नगरपालिकाबाट बजेट छुट्टाइएको थियो । भने अहिले प्रदेशले बाट दश लाख रुपैयाँ छुट्याएको छ । साथै स्मृति पार्क निर्माण कार्य सम्पन्न गर्न मीनका छोरा हेमन्त बेल्बासे र यज्ञका छोरा झबिन्द्र बेल्बासे खटिएका छन् ।