एजेन्सी ।
इंग्लिस प्रिमियर लिग फुटबल अन्तर्गत आइतबार राति भएका खेलमा चेल्सी र टोटनह्याम विजयी भएका छन् । अवे मैदानमा भएको खेलमा चेल्सीले शेफिल्ड युनाइटेडलाई २–१ ले पराजित गरेको हो ।
चेल्सीका लागि ४३ औँ मिनेटमा म्यासन माउन्ट तथा ५८ औँ मिनेटमा पाएको पेनाल्टीमा जोर्गिन्होले गोल गरे । ५४ औँ मिनेटमा चेल्सीका रुडिगरले आत्मघाती गोल गर्दा शेफिल्डको खातामा पनि एक गोल पर्न गयो ।
यस्तै अर्को खेलमा जोसे मोरिन्होको टिम टोटनह्यामले वेष्ट ब्रोमलाई २–० ले पराजित गरेको छ । घरेलु मैदानमा भएको खेलमा टोटनह्यामका लागि ह्यारी केनले ५४ औं तथा सन हेङ्ग–मिनले ५८ औँ मिनेटमा गोल गरेका हुन् ।
जितपछि २२ खेलबाट ३६ अंकसहित टोटनह्याम आठौँ तथा २३ खेलबाट ३९ अंकसहित चेल्सी पाँचौँ स्थानमा उक्लिएका छन् ।
प्रतिक्रिया