रोनाल्डोको गोलमा युभेन्टसको महत्वपूर्ण जित

एजेन्सी ।
शीर्ष स्थानको होडमा रहेको साबिक विजेता युभेन्टस इटालियन सिरी ए फटबल अन्तर्गत शनिबार राति भएको खेलमा रोमालाई पराजित गरेर तेस्रो स्थानमा पुग्न सफल भएको छ ।

घरेलु मैदानमा भएको खेलमा युभेन्टसले रोमालाई २–० ले पराजित गरेको हो । युभेन्टसका लागि १३ औँ मिनेटमा क्रिष्टियानो रोनाल्डोले गोल गरे । उनले यो सिजन लिगमा २३ औँ गोल गरेका हुन् । ६९ औँ मिनेटमा रोमाका इबानेज डा सिल्भाले आत्मघाती गोल गरे ।

जितपछि २० खेलबाट ४२ अंकसहित युभेन्टस तेस्रो स्थानमा पुगेको छ । ४० अंकसहित रोमा चौथो स्थानमा झरेको छ ।

शीर्ष स्थानको इन्टर मिलानको २१ खेलबाट ४७ तथा दोस्रो स्थानको एसी मिलानको २० खेलबाट ४६ अंक छ ।

इटालियन सिरी ए फुटबल अन्तर्गत शनिबार राति भएका अरु खेलमा स्पेजियाले सासुओला तथा जेनोआले नापोलीलाई समान २–१ ले पराजित छ ।

एट्लान्टा र तोरिनोले ३–३ को बराबरी खेलेका छन् ।