म्यानचेस्टर युनाइटेड जित बिहीन, शीर्ष स्थानको होडमा धक्का

एजेन्सी ।
शीर्ष स्थानको होडमा रहेको म्यानचेस्टर युनाइटेड इंग्लिस प्रिमियर लिग फुटबल अन्तर्गत शनिबार राति भएको खेलमा जितबिहीन भएको छ ।

घरेलु मैदानमा भएको खेलमा म्यानचेस्टर युनाइटेड एभर्टनसँग ३–३ को बराबरीमा रोकिएको हो । युनाइटेडका लागि २४ औँ मिनेटमा एडिन्सन काभानी, ४५ औँ मिनेटमा ब्रुनो फेर्नान्डेस तथा ७० औँ मिनेटमा स्कट म्याकटोमिनीले गोल गरे ।

एभर्टनका लागि ४९ औँ मिनेटमा डुकोरी, ५२ औँ मिनेटमा रोड्रिग्वेज र इन्जुरी समयको पाँचौँ अर्थात ९५ औँ मिनेटमा कल्र्भट लेविचले गोल गरे ।

बराबरीपछि दोस्रो स्थानको युनाइटेडको २३ खेलबाट ४५ अंक भएको छ । शीर्ष स्थानको म्यानचेस्टर सिटीको २१ खेलबाट ४७ अंक छ । एभर्टन २१ खेलबाट ३७ अंकसहित छैटौँ स्थानमा पुगेको छ ।

इंग्लिस प्रिमियर लिग फुटबल अन्तर्गत शनिबार राति भएका अरु खेलमा आर्सनल एस्टन भिल्लासँग १–० तथा न्यूक्यासलले साउथह्याम्पटनलाई ३–२ ले पराजित गरेको छ । यस्तै फुलह्याम र वेष्ट ह्यामले गोलरहित तथा बर्नली र ब्राइटनले १–१ को बराबरी खेलेका छन् ।