अटो दुर्घटना हुँदा प्यूठानमा एक जनाको मृत्यु

प्यूठान ।

प्यूठानमा शुक्रबार राति अटो दुर्घटना हुँदा एक जनाको मृत्यु भएको छ । जिल्ला सदरमुकाम खलंगाबाट मल्लरानी गाउँपालिका २ चुँजाठाटीतर्फ जाँदै गरेको रा १ ह ५१४५ नम्बरको अटो दुर्घटना भएको हो । मल्लरानी ३ बर्बोटका ४० वर्षीय जनक परियारको घटनास्थलमै मृत्यु भएको जिल्ला प्रहरी कार्यालय प्यूठानका प्रहरी प्रमुख डीएसपी सुनिल मल्लले जानकारी दिनुभयो ।