रुपन्देहीमा माइक्रोबसको ठक्करबाट मोटरसाइकल चालक घाइते

बुटवल ।
रुपन्देहीको तिलोत्तमा नगरपालिकाको शंकरनगर चोकमा माइक्रोबसले मोटरसाइकललाई ठक्कर दिएको छ । लु १ ख ३०५५ नं को माइक्रोबसले लु २० प ९३१० नं को मोटरसाइकललाई ठक्कर दिंदा मोटरसाइकल चालक गम्भीर घाइते भएको प्रत्यक्षदर्शीको भनाइ छ ।

घाइतलेलाई लुम्बिनी प्रादेशिक अस्पतालमा उपचारको लागि लगिएको छ । शंकरनगरस्थित बनबाटिका आइरहेको बसले उक्त मोटरसाइकललाई ठक्कर दिएको थियो । घाइतेको पहिचान खुलेको छैन ।