लियोन फ्रेन्च लिग वानको शीर्ष स्थानमा उक्लियो

एजेन्सी ।
लियोन फ्रेन्च लिग वान फुटबलको शीर्ष स्थानमा उक्लिएको छ । शुक्रबार राति भएको खेलमा बोर्डेअक्सलाई २-१ गोल अन्तरले हराउँदै लियोन शीर्ष स्थानमा उक्लिएको हो ।

घरेलु मैदानमा लियोनलाई जित दिलाउन कार्ला टोको इकाम्वी र लियो डुवोइसले एकएक गोल गरे । बोर्डेअक्सका स्यामुएल कालुले एक गोल फर्काए ।

जितसंगै लियोनले २२ खेलमा ४६ अंक जोड्दै पीएसजीलाई पछि पारेको छ । बोर्डेअक्स ३२ अंकसहित सातौँ स्थानमा रहेको छ ।