अग्युरोलाई कोरोना भाईरसको संक्रमण

एजेन्सी ।

इंग्लिस प्रिमियर लिग क्लब म्यानचेस्टर सिटीका फरवार्ड सर्जियो अग्युरोलाई कोरोना भाईरसको संक्रमण भएको छ ।अग्युरोले बिहीबार सामाजिक संजालबाट आफुलाई कोरोना भाईरसको संक्रमण भएको बताएका छन् । अर्जेन्टिनाका अग्युरोले कोरोनासँग मिल्ने लक्षण देखिएपछि परिक्षण गर्दा आफुलाई पोजेटिभ देखिएको बताएका छन् ।

अग्युरोले कोरोना देखिएपछि आफु सेल्फ आइसोलेसनमा रहेको समेत बताएका छन् । कोरोनाकै कारण अग्युरोले बुधबार राति एस्टन भिल्लासँगको खेल गुमाएका थिए ।