एजेन्सी ।
बार्सिलोना स्पेनिस कोपा डेल रे फुटबलको अन्तिम १६ मा प्रवेश गरेको छ । बिहीबार राति भएको अन्तिम ३२ को खेलमा कोर्नेलालाई अतिरिक्त समयमा २(० ले पराजित गर्दै बार्सिलोना अर्को चरणमा पुगेको हो ।
कोर्नेलाको मैदानमा बार्सिलोनाले दुई पेनाल्टीमा गोल गर्न नसकेपछि खेल अतिरिक्त समयमा पुगेको थियो ।
अतिरिक्त समयमा ओसुमाने डेम्बेले र मार्टिन ब्रेथवेटले गोल गर्दै बार्सिलोनालाई जित दिलाए ।
खेलको ९२ औं मिनेटमा डेम्बेलेले गोल गर्दै बार्सिलोनालाई अग्रता दिलाएका थिए ।
खेलको ११८ औं मिनेटमा अल्बर्टले रातो कार्ड पाएपछि कोर्नेला १० खेलाडीमा समेटिएको थियो ।
त्यसपछि खेलको १२० औं मिनेटमा मार्टिनले गोल गर्दै बार्सिलोनालाई २(० को जित दिलाए ।त्यसअघि खेलको ३९ औं मिनेटमा मिरालिम पाज्निकले पेनाल्टीमा गोल गर्न सकेनन् ।
यस्तै ८० औं मिनेटमा डेम्बेले पनि पेनाल्टीमा गोल गर्न चुकेका थिए ।
प्रतिक्रिया