कपिलवस्तुको वनगाइमा स्कुल बससंग ठोक्कियो मोटरसाइकल, चालक घाइते

मायादेवी अनलाइन, चार नम्बर ।

कपिलवस्तुको बाणगंगा नगरपालिकामा आज विहान मोटरसाइकल दुर्घटनामा परेको छ । वडा नम्बर ७ बनगाइमा ८ बजेको समयमा स्थानीय स्कुल बससंग मोटरसाइकल ठोक्किएर दुर्घटनामा परेको हो । लु २३ प् ३७२० नम्बरको मोटरसाइकल पारिजात स्कुल अगाडी मोडमा वससंग ठोक्किएको हो ।

दुर्घटनामा मोटरसाइकल चालक पुरुष घाइते भएका छन् । उनको कपिलवस्तु सामुदायिक अस्पतालमा उपचार भइरहेको छ । यो सममाचार तयार पार्दासम्म उनको नाम र ठेगाना खुलेको छैन । लु १ क १६९१ नम्बरको बस मोडबाट पश्चितमतर्फ मोडिने क्रममा पश्चिमबाट पूर्वतर्फ आइरहेको मोटरसाइकल ठोक्किएको थियो ।

दुर्घटनाको कारण अझै थाहा भएको छैन । स्थानीयले दुवैको गल्ती भएको मायादेवीसंग बताए ।घटनापछि केही समय पूर्वपश्चिम लोकमार्ग अवरुद्ध समेत भएको घटनास्थलबाट सहकर्मी दीपा महतले जानकारी दिनुभयो । उहाँका अनुसार मोटरसाइकल पुरै क्षतविक्षत भएको छ ।