एजेन्सी ।
शीर्ष स्थानको होडमा रहेको लेस्टर सिटीले इंग्लिस प्रिमियर लिग फुटबल अन्तर्गत शनिबार राति भएको खेलमा महत्वपूर्ण जित दर्ता गरेको छ ।
घरेलु मैदानमा भएको खेलमा लेस्टर सिटीले साउथह्याम्पटनलाई २–० ले पराजित गरेको हो । लेस्टरको जितमा जेम्स म्याडिसन र हार्भी बार्नेसले गोल गरेका हुन् ।
३७ औँ मिनेटमा म्याडिसनले गोल गरि लेस्टर सिटीलाई सुरुवाति अग्रता दिलाए । इन्जुरी समयको पाँचौँ अर्थात ९५ औँ मिनेटमा बार्नेसले गोल गरेपछि लेस्टर सिटी २–० ले विजयी भयो ।
जितपछि दोस्रो स्थानमा उक्लिएको लेस्टर सिटीको १८ खेलबाट ३५ अंक भएको छ । एक खेल कम खेलेको शीर्ष स्थानको म्यानचेस्टर युनाइटेडको ३६ अंक छ ।
लिग अन्तर्गत शनिबार राति भएका अरु खेलमा ब्राइटनले लीड्स, चेल्सीले फुलह्याम तथा वेष्ट ह्यामले बर्नलीलाई समान १–० ले पराजित गरेका छन् ।
प्रतिक्रिया