नाइजेरियामा आतंकवादीहरूको आक्रमण, कम्तीमा ५६ जनाको ज्यान गयो

एजेन्सी । नाइजेरियामा संदिग्ध इस्लामिक आतंकवादीहरूको आक्रमणमा परेर कम्तीमा ५६ जनाको ज्यान गएको छ ।

नाइजरियाको पश्चिमी सिमाना नजिक पर्ने चोम्ब्याङ्ग्यु गाउँमा भएको घटनामा ठूलो संख्यामा मानिस मारिएका बीबीसीले जनाएको छ । ज्यान गुमाउनेहरु माछा व्यापारमा संलग्नहरू रहेका छन् । आक्रमणमा अरु १७ जना घाइते भएका छन् ।

अफ्रिकाको सहेल क्षेत्रमा पछिल्लो समय धेरै हिंसात्मक घटनाहरू भएका छन् जुन आतंकवादी समूहहरूले गरेका थिए । फ्रान्समा हिजो दुई जना सैनिक मारिएका थिए । फ्रान्सले पश्चिमी अफ्रिकी क्षेत्रमा इस्लामी आतंकवादको विरूद्ध पश्चिमी अफ्रिकी र युरोपियन सहयोगीहरूको गठबन्धनको नेतृत्व गरिरहेका छन । तर नाइजर र माली जस्ता देशहरू जातीय हिंसा, मानव र लागुऔषधको तस्करीबाट प्रभावित छन ।

आन्तरिक मन्त्री अलकाचे अलहादाले भने सुरक्षाको लागि त्यहाँ सैनिकहरू पठाइएको बताएका छन् । देशको टिल्लाबेरी क्षेत्र २०१७ देखि आपतकालको स्थितिमा रहेको छ र नाइजरमा जिहादी समूहले गर्ने आक्रमण सामान्य छ ।

गएको महिना, नाइजेरियाको जिहादी समूह बोको हरामले दक्षिणपूर्वमा डिफेफा क्षेत्रमा कम्तीमा २७ व्यक्तिको हत्या गरेको थियो ।