गोरुसिंगेमा टिप्परको ठक्करबाट गम्भीर घाइते भएका बिकको उपचारको क्रममा मृत्यु

मायादेवी अनलाइन, तौलिहवा ।
कपिलवस्तुको गोरुसिङ्गे–तौलिहवा सडकखण्डमा टिप्परको ठक्करबाट गम्भीर घाइते हुनुभएका बम बहादुर विकको उपचारको क्रममा निधन भएको छ ।

अर्घाखाँचीको सितगंगा नगरपालिका वडा नं. ९ घर हुनुभएका बिकको शुक्रबार विहान उपचारका क्रममा भैरहवा मेडिकल कलेजमा निधन भएको जनाइएको छ ।

बुधबार साँझ गोरुसिंगे नजिकै तौलिहवा जाने चोकमा पूर्वबाट पश्चिम जाँदै गरेको लु १ ख ७३०७ नम्बरको टिप्परले बिपरित दिशाबाट आउँदै गरेको लु ५ प ९६३१ नम्बरको मोटरसाइकललाई ठक्कर दिँदा मोटरसाइकलमा सवार विककी श्रीमति अन्दाजी २४ बर्षीया निशा बिकको घटनास्थल मै मृत्यु भएको थियो ।

सोहि दुर्घटनामा परी गम्भीर घाइते विकको शुक्रबार विहान उपचारका क्रममा निधन भएको परिवारीक स्रोतले जानकारी दिएको छ । मृतक बिक नेपाल प्रहरीको जवान समेत हुनुन्थ्यो ।