जन्मदिनमा अनिताले गरिन शैक्षिक सामग्री प्रदान

मायादेवी अनलाइन, जीतपुर ।

जन्मदिनको अवसरमा वाणगंगाकी अनिता क्षेत्रीले शैक्षिक सामग्री प्रदान गरेकी छन् । अर्घाखाची स्थाई घर भई हाल कपिलवस्तु लाई कार्यथलो बनाएकी क्षेत्रीले नव दुर्गा आधारभूत विद्यालय मोतीपुर डाडामा अध्यनरत २ छात्रछात्रालाई शैक्षिक सामग्री सहयोग गरेकी हुन् । आर्थिक अवस्था न्यून रहेका लक्ष्मी पुन र सुजन पुनलाई शैक्षिक सामग्री प्रदान गरिएको हो । गत वर्षपनि अर्घाखाचीको एक विद्यालयमा जन्मदिनको अवसरमा सहयोग गरेको भन्दै त्यसैको निरन्तरता अनुरुप सहयोग गरेको उनले बताइन् ।

आफुले गरेको सानो सहयोगले विद्यार्थीलाई केहि भएपनि सहयोग मिल्ने उनले बताएकी छन् । कार्यक्रम अनिता क्षेत्रीको अध्यक्षता, विद्यालयका प्रअ बलराम पाण्डेको प्रमुख आतिथ्यता, संचारकर्मी राधा पाण्डेको स्वगत मन्तब्य र दीपा महतको संचालनमा सम्पन्न भएको हो । कार्यक्रममा शिक्षक पुर्ण बहादुर गुरुङ, सागर पौडेल, तिलक ज्ञवालीले बोल्दै जन्म दिनको अवसरमा गरेको यस कार्य स्रहानिय रहेका बताएका थिए ।