कपिलवस्तुको शिवराजमा एक किशोरीको शव फेला

कपिलवस्तु ।

कपिलवस्तुको शिवराज नगरपालिकामा एक किशोरीको शव फेला परेको छ । शिवराज नगरपालिका वडा नं. ३ मदवास्थित जवई खोलामा १६ बर्षीया किशोरीको शब फेला परेको हो ।

मदवाका मान बहादुर रोक्काको १६ बर्षीया छोरी दीपा रोक्काको शब फेला परेको वडा प्रहरी कार्यालय चन्द्रौटाका प्रहरी निरिक्षक दिपेश खरेलले जानकारी दिनुभयो ।

शनिबार घरदेखि हराएकी दीपाको गाउँ नजिकै खोलामा शव फेला परेको प्रहरीले जनाएको छ । दिउँसो १२ बजे स्थानीयले खोला नजिकै घाँस काट्न जादाँ शव देखेपछि प्रहरीलाई खबर गरेका थिए ।

घटनाको विषयमा थप अनुसन्धान भैरहेको प्रहरी निरिक्षक खरेलले बताउनुभयो । घटनास्थलमा प्रहरी पुगेर बालिकाको शव नियन्त्रणमा लिई अनुसन्धान जारी राखेको प्रहरीले जनाएको छ ।

दीपाको हत्या हो की आत्माहत्या खुल्न नसकेको प्रहरीले जनाएको छ । दीपा शनिबार देखि घर देखी हराए पनि परिवारले आज मात्र प्रहरीलाई दीपा हराएको खबर गरेको थियो । घरटनाबारे अनुसन्धान भैरहेको प्रहरीले जनाएको छ ।