इंग्लिस प्रिमियर लिगः लिभरपुलद्धारा शानदार जित दर्ता

एजेन्सी ।
इंग्लिस प्रिमियर लिग फुटबल अन्तर्गत शनिबार राति भएको खेलमा लिभरपुलले शानदार जित दर्ता गरेर अग्रता बलियो बनाएको छ । शीर्ष स्थानको लिभरपुलले अवे मैदानमा भएको खेलमा क्रिष्टल प्यालेसमाथि ७–० को जित दर्ता गरेको हो ।पहिलो हाफमा तीन गोल गरेको लिभरपुलले

दोस्रो हाफमा थप चार गोल गरेको हो । उसका लागि रोबर्टो फिरमिनो र मोहम्मद सालहले दुई–दुई तथा मिनामिनो, साडिओ माने तथा हेन्डर्सनले एक–एक गोल गरेका छन् ।

मिनामिनोले तेस्रो, मानेले ३५ औँ तथा फिमिनोले ४४ र ६८ औँ मिनेटमा गोल गरेका हुन् । यस्तै हेन्डर्सनले ५२ तथा सालहले ८१ र ८४ औँ मिनेटमा गोल गरेपछि लिभरपुल ७–० ले विजयी भएको हो ।

जितपछि शीर्ष स्थानको लिभरपुलको १४ खेलबाट ३१ अंक भएको छ । उ दोस्रो स्थानमा पुगेको एभर्टन भन्दा पाँच अंकले अघि रहेको छ । शनिबार राति भएको खेलमा आर्सनलमाथि २–१ को जित दर्ता गरेको एभर्टनको १४ खेलबाट २६ अंक भएको छ ।

लिभरपुलसँग पराजित भएको क्रिष्टल प्यालेस १८ अंकसहित १३ औँ तथा एभर्टनसँग पराजित भएको आर्सनल १४ अंकसहित १५ औँ स्थानमा छ ।

लिग अन्तर्गत शनिबार राति भएका अरु खेलमा म्यानचेस्टर सिटीले साउथह्याम्पटनलाई १–० ले पराजित गर्दा न्यूक्यासल र फुलह्यामले १–१ को बराबरी खेलेका छन् ।