मायादेवी अनलाइन, चार नम्बर ।
रुपन्देहीलाई कार्यथलो बनाउँदै आएकी कल्पना कुसुम नेपाल जेसिजको राष्ट्रिय उपाध्यक्षमा चयन हुन सफल हुनु भएको हो । रुपन्देहीको भलवारीमा भएको नेपाल जेसीजको निर्वाचनबाट वर्ष २०२१ को राष्ट्रिय उपाध्यक्षमा कुसुम विजयी हुनु भएको छ । साथै उहाँले उत्कृष्ट शाखा अध्यक्षको अवार्ड पनि प्राप्त गर्न सफल हुनुभएको छ ।
रुपन्देहीमा महिला जेसिजको अध्यक्ष रहनु भएकी कुसुम प्राध्यापक, गायक तथा समाजसेवी पनि हुनुहुन्छ । गुल्मी स्थायी घर भएकी कुसुमको यस सफलताले समग्र रुपन्देहीको जित भएको जेसिजकर्मी बताउँछन् ।
बुटवल लेजिड जेसिज रुपन्हीकी पूर्वअध्यक्ष ज्ञानधारा पन्तले फेसबकमा लेख्नु हुन्छ, ‘आज बुटवल महिला जेसीजको सिर थप उच्च भएको छ। संस्थाको गौरव थप बढेको छ । पुरानो ऋृण र गुन दुवै चुक्ता भएको छ ! हार्दिक बधाइ एवं सफल, श्रृजनशील र प्रभावकारी कार्यकालको शुभकामना आशाका धरोहरहरुलाई । शानदार मतको साथमा अग्रता कायम गर्न सफल हुनुभएकोमा ।
यसैबीच उपाध्यक्षमा निर्वाचित भए लगत्तै कल्पनाले सबै मतदातालाई धन्यबाद दिँदै यस पदले आफूलाई झन् जिम्मेवार बनाएको बताउनु भएको छ । आफू सानैदेखि, सहनशिल, शालिन र संघर्षशिल रहेका कारण आज यस स्थानसम्म आइपुगेको बताउनु भयो ।
हरेक समस्यासंग जुध्न यस्ता गुणहरु रहनु पर्ने भन्दै अब महिलाको क्षेत्रमा त राम्रो काम त गरिन्छ नै समग्र जेसिजमा सुशासन कायम गर्न पहल गर्नेछु, मायादेवीको कुराकानीमा उहाँले बताउनु भयो । जेसिजको अध्यक्षमा अरुण खनाल विजयी हुनु भएको छ ।
प्रतिक्रिया