स्पेनिस ला लिगाः बेन्जिमाको गोलमा रियल मड्रिड विजयी

एजेन्सी ।
स्पेनिस ला लिगा फुटबल अन्तर्गत मंगलबार राति भएको खेलमा जित निकाल्दै रियल मड्रिडले शीर्ष दुई स्थानका टिमसँग अंक बराबरी गरेको छ ।

लिग अन्तर्गत घरेलु मैदानमा भएको खेलमा रियल मड्रिडले एथ्लेटिको बिल्बाओलाई ३–१ ले पराजित गरेको हो ।

मड्रिडका लागि करिम बेन्जिमाले दुई तथा टोनी क्रसले एक गोल गरे । एथ्लेटिको बिल्बाओका लागि कापाले एक गोल फर्काएका हुन् ।

घरेलु मैदानमा भएको खेलमा पहिलो हाफको इन्जुरी समयको पहिलो मिनेटमा क्रसले गोल गरी रियल मड्रिडलाई सुरुवाति अग्रता दिलाए ।

१३ औँ मिनेटमा नै दोहोरो पहेँलो कार्ड पाएर गार्सिया मैदानबाट बाहिरिएपछि एथ्लेटिको बिल्बाओ १० खेलाडीमा सीमित भएको थियो ।

कापाले बिल्बाओका लागि ५२ औँ मिनेटमा बराबरी गोल गरे । त्यसपछि करिम बेन्जिमाले दुई गोल गरी रियल मड्रिडको जित निश्चित गरेका हुन् ।

७४ औँ मिनेटमा व्यक्तिगत पहिलो गोल गरेका बेन्जिमाले इन्जुरी समयको दोस्रो अर्थात ९२ औँ मिनेटमा दोस्रो गोल गरी टिमलाई ३–१ को जित दिलाएका हुन् ।

जितपछि रियल मड्रिडले शीर्ष दुई स्थानका रियल सोसिडाड र एथ्लेटिको मड्रिडसँग अंक बारबरी गरेको छ ।

शीर्ष स्थानको सोसिडाडको १३ खेलबाट २६ तथा दोस्रो स्थानको एथ्लेटिको मड्रिडको ११ खेलबाट २६ अंक रहेको छ । तेस्रो स्थानको रियल मड्रिडको १३ खेलबाट २६ अंक नै भएको छ ।