गैरे मिष्ठान्नको नयाँ घर ४ नम्बरमा खुल्यो ‘गैरे बेबी लैण्ड एण्ड स्पोर्टस’

मायादेवी अनलाइन, चार नम्बर ।
कपिलवस्तुको बाणगंगा नगरपालिका वडा नम्बर ४ मा ‘गैरे बेबी लैण्ड एण्ड स्पोर्टस’ खुलेको छ । बाल बच्चाहरुको सबै सामान नपाएर बुटवल या काठमाण्डौँ धाउनु पर्ने समस्या समाधान गर्न सो पसल खुलेको हो ।

पसलको सोमबार उद्घाटन गरिएको छ । पसलका संचालक विष्णु गैरेका अनुसार त्यहाँ बालबच्चाका सम्पूर्ण सामानहरु जस्तै (कपडा, जुत्ता, चप्पल, वाकर झुला, खेलौना) आदिको होल सेल र फुटकर मुल्यमा विक्रि गरिने छ ।

बालकको सर्वाङगिण विकासमा खेलौना निकै महत्वपूर्ण हुने हुनाले यस क्षेत्रमा त्यस्तो पसलको अभाव भएको लागेपछि पहिलेको पसल छोडेर नयाँ पसल खोलेको उहाँले बताउनु भयो ।

अत्याधुनिक खालका खेलौना र बच्चाका आकर्षक पोषाकहरु सस्तो दरमा पाइनु आफ्नो पसलको विशेषता भएको उहाँको भनाई छ । गैरेका अनुसार आफू कहाँ गुणस्तर खालका खेलकुदका ब्याट, बल, फुटवल, भलिवल, जर्सी आदि पनि सस्तो दरमा त्यहाँबाट उपलब्ध गराइने छ ।

उहाँले उद्घाटनको १ महिनाको अवधिभर जाडोका बच्चाका सामानहरुमा विशेष छुट राखिएको पनि बताउनु भयो । करिब १० लाखको लगानीमा अहिले नयाँ ब्यावसाय सुरु गरिएको उहाँको भनाई छ ।