एजेन्सी ।
स्पेनिस ला लिगा फुटबल अन्तर्गत शनिबार राति भएको खेलमा रियल मड्रिड विजयी भएको छ । मड्रिड डर्बीमा घरेलु टोली रियल मड्रिडले एथ्लेटिको मड्रिडमाथि २–० को जित दताए गरेको हो ।
रियलका लागि कासेमिरोले १५ औँ मिनेटमा गोल गरेर सुरुवाति अग्रता दिलाए । ६३ औँ मिनेटमा एथ्लेटिकोका ओब्लकले आत्मघाती गोल गरेपछि रियल मड्रिडको जित निश्चित भयो ।
ला लिगामा रियल मड्रिडले सन् २०१६ यता मड्रिड डर्बीमा हार बेहोरेको छैन । जितपछि १२ खेलबाट २३ अंकसहित तेस्रो स्थानमा पुगेको छ । पराजित भए पनि शीर्ष स्थानमा रहेको एथ्लेटिको मड्रिडको ११ खेलबाट २६ अंक छ ।
राति भएका अरु खेलमा सेभिल्लाले गेटाफे तथा हुएस्काले एलाभेसलाई समान १–० ले पराजित गरेका छन् । एथ्लेटिको बिल्बाओ र भ्यालेन्सियाले २–२ को बराबरी खेलेका छन् ।
प्रतिक्रिया