मायादेवी अनलाइन, तौलिहवा ।
सेवानिबृत्त भएका कपिलवस्तु नगरपालिकाका जिन्सी फाँटका प्रमुख जिवनाथ पाण्डेयलाई सम्मान र बिदाई गरिएको छ ।
कपिलवस्तु नगरपालिकाले तौलिहवामा एक कार्यक्रमका बीच उनलाई दोसल्ला सम्मान पत्र र ढाका टोपी लगाई सम्मानित गरिएको हो ।
उप-मेयर लक्ष्मी गुप्ता र प्रमुख प्रशासकीय अधिकृत शेषकान्त पौडेलले पाण्डेयलाई खादा र टोपी लगाई सम्मानित गरेका थिए ।
यस्तै वडा नम्बर १ का वडाध्यक्ष सुदीप पौडेल र नगरपालिकाका कर्मचारीहरुले समेत पण्डेयलाई मायाको चिनो प्रदान गरेका थिए ।
सो अवसरमा उम-मेयर गुप्ताले सेवानिबृत्त भएका पाण्डेयले नगरपालिकामा राम्रो काम गरेको भन्दै उज्जवल भबिष्यको कामना गरिन् ।
यस्तै प्रमुख प्रशासकीय अधिकृत पौडेलले पुराना र पाका कर्मचारी पाण्डेयले नगरपालिकामा ३८ बर्ष सेवा गरेर योगदान दिएको बताए । उनले पाण्डेयले राम्रो काम गरेकोले अहिले पनि उनलाई बाबा जी भनेर चिनिएको बताए ।
सो अवसरमा पाण्डेयले आफुले ३८ बर्ष सेवा कालमा अनुशासन र इमान्दारितालाई अंगालेको र नगरपालिकालाई आफ्नै घर जस्तो गरेर सेवा गरेको बताए ।
प्रमुख प्रशासकीय अधिकृत पौडेलको अध्यक्षता, पदमराज श्रेष्ठको संचालनमा भएकोे कार्यक्रममा शिक्षा, युवा तथा खेलकुद शाखा प्रमुख हरि प्रसाद ज्ञवालीले शुभकामना मन्तब्य दिएका थिए ।
प्रतिक्रिया