रद्द भयो दक्षिण अफ्रिका र इंग्ल्यान्डबीचको सिरिज

एजेन्सी ।

दक्षिण अफ्रिका र इंग्ल्यान्डबीचको एकदिवसीय क्रिकेट सिरिज रद्द भएको छ । दुबै देशका खेलाडीमा कोरोना संक्रमण देखिएपछि तीन खेलको एकदिवसीय सिरिज रद्द गरिएको हो ।दक्षिण अफ्रिकाका एक खेलाडी र होटलका दुई कर्मचारीलाई कोरोना पुष्टि भएपछि सिरिज रद्द गरिएको हो ।

यस्तै इंग्ल्यान्डका दुई खेलाडीमा समेत कोरोना देखिएको बताईएको छ । खेलाडीमा कोरोना देखिएपछि दुई पटक खेल स्थगित गरिएको थियो ।

शुक्रबार र आइतबार तय भएको खेल खेलाडीमा कोरोना देखिदा स्थगित गरिएको थियो । दक्षिण अफ्रिका र इंग्ल्यान्डबीच टी(ट्वान्टी सिरिज भने पुरा भईसकेको छ । तीन खेलको टी(ट्वान्टी सिरिज इंग्ल्यान्डले क्लिन स्विप गरेको थियो ।