चेल्सी इंग्लिस प्रिमियर लिग फुटबलको शीर्ष स्थानमा

एजेन्सी ।
चेल्सी इंग्लिस प्रिमियर लिग फुटबलको शीर्ष स्थानमा पुगेको छ । लिग अन्तर्गत शनिबार राति भएको खेलमा चेल्सीले लीड्स युनाइटेडलाई ३–१ ले पराजित गरेको हो ।

सुरुको चौथो मिनेटमा नै प्याट्रिक बामफोर्डको गोलबाट लीड्सले अग्रता लियो । घरेलु टोली चेल्सीका लागि ओलिभर जिरउडले बराबरी गोल फर्काए ।

जोउमाले ६१ औँ मिनेटमा गोल गरी चेल्सीलाई अग्रता दिलाए । इन्जुरी समयको तेस्रो अर्थात ९३ औँ मिनेटमा क्रिष्टियन पुलिसिकले गोल गरी चेल्सीलाई ३–१ को जित दिलाएका हुन् ।

जितपछि शीर्ष स्थानमा पुगेको चेल्सीको ११ खेलबाट २२ अंक भएको छ । दोस्रो र तेस्रो स्थानका टोटनह्याम र लिभरपुलको १० खेलबाट समान २१ अंक रहेको छ ।

११ खेलबाट १४ अंकसहित लीड्स युनाइटेड १३ औँ स्थानमा छ।