गोरुसिंगे जंगल नजिक सवारी दुर्घटना, १ को मृत्यु ४ जना घाइते

मायादेवी अनलाइन, बुद्धभूमि ।
कपिलवस्तुको बुद्धभूमि नगरपालिकास्थित पूर्वपश्चिम राजमार्गको गोरुसिंगे जंगल नजिक मंगलवार विहान भएको सवारी दुर्घटनामा परि एकजना भारतीय नागरिकको मृत्यु भएको छ ।

युपि ४२ बि टी २३९१ नम्बरको भारतीय बल्कर र ना ८ प २५२५ नम्बरको यात्रु बाहक बस ठोकिँदा भारतको अयोध्या वस्ने वर्ष ६० को बल्कर चालक मुन्नीलाल चौहानको घटनास्थलमा मृत्यु भएको प्रहरीले जनाएको छ ।

बसमा सवार ४ जना घाइते स्थानिय मेडिकलमा उपचार भैरहेको अवस्था सामान्य रहेको जिल्ला ट्राफिक प्रहरी कार्यालय कपिलवस्तुका प्रहरी निरिक्षक दिलिप कार्कीले जानकारी दिनुभयो ।