इंग्लिस प्रिमियर लिगः बर्नलीको पहिलो जित दर्ता

एजेन्सी ।
बर्नलीले इंग्लिस प्रिमियर लिग फुटबलको यो सिजनमा पहिलो जित दर्ता गरेको छ । लिग अन्तर्गत सोमबार राति भएको खेलमा बर्नलीले क्रिष्टल प्यालेसलाई १–० ले पराजित गरेको हो ।

आठौँ मिनेटमा क्रिस वूडले गरेको गोलबाट जित निश्चित गरेको बर्नलीले रेलिगेशन जोनबाट माथि उक्लिएको छ। ८ खेलबाट पाँच अंक जोडेको बर्नली १७ औँ स्थानमा पुगेको छ । पराजित भएको क्रिष्टल प्यालेस ९ खेलबाट १३ अंकसहित ११ औँ स्थानमा छ ।

बर्नलीले यसअघिका सात खेलमा पाँचमा हार बेहोरेको थियो भने दुई खेलमा बराबरी गरेको थियो । कोरोना भाइरसबाट संक्रमित भएको फरवार्ड विल्फ्रेड जाहा बिना खेलेको प्यालेसले आक्राम प्रदर्शन गर्न सकेन ।