किम जोङ उनका भतिजा बेपत्ता, किमप्रति नै शंका

एजेन्सी ।
उत्तर कोरियाका सर्वोच्च नेता किम जोङ उनका भतिजा किम हान सोल अचानक बेपत्ता भएका छन् । अन्तर्राष्ट्रिय सञ्चारमाध्यामका अनुसार उनी किम जोङ उनका सौतनी भाइ किम जोङ नामका छोरा हुन् ।

हान एक्कासि बेपत्ता भएपछि अनेक आशंका गरिएको छ । किनकि उनका बुबा किम जोङ नामको सन् २०१७ मा क्वालालाम्पुर एयरपोर्टमा हत्या गरिएको थियो ।

त्यस आरोपमा एक भियतनामी र इन्डोनेसियाली महिला पक्राउ परेका थिए भने हत्यामा किम जोङ उनको नाम पनि जोडिएको थियो । तर उत्तर कोरिया सरकारले आरोपको खण्डन गरेको थियो ।

अहिले फेरि उन (नाम) कै छोरा बेपत्ता भएपछि शंका पैदा भएको हो । अहिले बेपत्ता सोल, उनका बहिनी र आमाले सन् २०१७ मै गोप्य ढंगले उत्तर कोरिया छाडेका थिए । सोल अन्तिमपटक अमेरिकी गुप्तचर एजेन्सी ९सीआईए० का एजेन्टसँग देखिएका थिए ।

त्यसयता उनी गायब भएको अन्तर्राष्ट्रिय सञ्चारमाध्यमले जनाएका छन् ।