बागलुङमा जीप दुर्घटना हुँदा दुई जनाको मृत्यु

बागलुङ ।
बागलुङमा रोकिराखिएको जीप गुडेर खोलामा खस्दा दुई जनाको मृत्यु भएको छ। आज बिहान बडीगाड गाउँपालिका–६ मा राकिराखिएको लु १ ज ४३७० नम्बरको जीप आफै गुडेर खोलामा खसेको हो। चालकले सामान राख्न लागेका वेला जिप खसेको जिल्ला प्रहरी कार्यालयले जनाएको छ।

दुर्घटनामा बडीगाड गाउँपालिका ६ की २३ वर्षीया टेकमाया श्रीस र उनकी एक वर्षीया छोरीको ज्यान गएको जनाएको छ। दुर्घटनामा एक घाइते भएका छन्। उनको स्थानीय स्वास्थ्य संस्थामा उपचार भइरहेको जिल्ला प्रहरी कार्यालयले जनाएको छ।