कपिलवस्तुमा आज २८ संक्रमित थपिए, शिवराजका मात्रै २२ जना

मायादेवी अनलाइन, जितपुर ।

कपिलवस्तुमा शनिबार २८ जना कोरोना संक्रमित थपिएका छन् । जिल्ला स्वास्थ्य कार्यलय कपिलवस्तुले दिएको जानकारी अनुसार थप २८ जनामा कोरोना पुष्टि भएको हो । आज शिवराजमा सबैभन्दा धेरै २२ संक्रमित थपिएका छन् भने बुद्धभूमीमा ३, कृष्णनगर, वाणगंगा र शुद्धोधन गाउपालिमाका एक–एक जना थपिएका हुन् । यो संगै जिल्लामा कुल संक्रमितको संख्या १ हजार ८ सय २५ पुगेको छ । भने १ हजार ७ सय १७ जना निको भएका छन् । अहिले जिल्लामा सक्रिय संक्रमित संख्या ९४ रहेको छ भने कोरोना संक्रमणका कारण १७ जनाको मृत्यु भएको छ ।