एजेन्सी ।
साडिओ मानेको गोलको सहयोगमा सेनेगल अफ्रिका कप अफ नेशन्सको फाइनल चरणमा स्थान बनाउन सफल भएको छ ।
८२ औँ मिनेटमा मानेले गोल गरि गिनी–बिसाउसँगको खेलमा सेनेगललाई जित दिलाएका हुन् । गिनी–बिसाउका जोर्गे नोगुएइरा रातो कार्ड पाएर मैदानबाट बाहिरिएपछि मानेले गोल गरेका हुन् ।
सेनेगल अफ्रिकी देशहरुको बरियतामा अहिले शीर्ष स्थानमा छ । २०२२ मा हुने प्रतिस्पर्धाका लागि छनौट हुने आयोजक क्यामरुनपछिको सेनेगल दोस्रो देश हो ।
दुई खेल बाँकी हुँदै समूह आई को सेनेगलले १२ अंक बनाएको छ । कोरोना भाइरस महामारीका कारण २०२१ मा हुने तय भएको अफ्रिका कप अफ नेशन्स २०२२ को जनवरीका लागि सारिएको छ ।
प्रतिक्रिया