युरोपियन नेशन्स लिगको उपाधि चुम्ने पोर्चुगलको सपनामा स्पेन बाधक

एजेन्सी ।
युरोपियन नेशन्स लिग फुटबल अन्तर्गत शनिबार राति भएको खेलमा विजयी भएर फ्रान्सले फाइनल चरणमा स्थान पक्का गरेको छ ।

समूह ए थ्रीमा रहेको फ्रान्सले साबिक विजेता पोर्चुगललाई १–० ले पराजित गरेको हो । घरेलु मैदानमा भएको खेलमा क्रिष्टियानो रोनाल्डोसहितको टिम पोर्चुगल पराजित भएको हो ।

फ्रान्सका लागि ५३ औँ मिनेटमा एन’गोलो कान्टेले गरेको गोल नै निर्णायक बन्यो।

दोस्रो हाफमा पोर्चुगलका जोसे फोन्तेले गोल गर्ने प्रयास गरेका थिए । उनको प्रहार पोस्टमा लागेर फर्कियो ।

विश्वकै सर्वाधिक गोलर्कता पुरुष खेलाडी बन्ने होडमा रहेका रोनाल्डोले पहिलो हाफमा हेड मार्फत गरेको प्रहार पोस्ट माथिबाट गयो ।

जितपछि एक खेल बाँकी हुँदा फ्रान्स १३ अंकसहित समूहको शीर्ष स्थानमा छ । १० अंक रहेको पोर्चुगल दोस्रो स्थानमा छ ।

सोही समूह अन्तर्गत भएको अर्को खेलमा स्वीडेनले क्रोएसियालाई २–१ ले पराजित गरेको छ । दुवै टिमको समान तीन अंक छ । बाँकी खेल उनीहरुका लागि रेलिगेशनबाट जोगिने अन्तिम अवसर हो ।