बिष्णु कुमार आले, अर्घाखाँची ।
गुल्मीको गुल्मी दरवार गाउँपालीकामा जिप दुर्घटना हुदा १ जनाको मृत्यु भएको छ । दुर्घटनामा परि अन्य ७ जना घाईते भएका छन् । जिल्लाको सत्यवती गाउँपालीकाबाट स्थानिय क्रिकेट खेलाडी बोकेर गुल्मी दरवार गाउँपालीका तर्फ जाँदै गरेको लु १ च ४७ ११ नम्बरको डवल क्याप जीप बिहिवार राति साढे ११ बजे वडा नम्बर २ को जुभुङको फोक्सिबासमा दुर्घटना हुदा जिप चालक गुल्मी दरवार २ का २५ बर्षिय मेघ बहादुर गाहाको मृत्यु भएको प्रहरीले जनाएको छ ।
जिल्लाको सत्यवती गाउँपालिकामा सम्पन्न क्रिकेट प्रतियोगितामा सहभागी एभर ग्रीन युवा क्लबका क्रीकेट खेलाडीहरु बोकेर गाउँ फर्कदै गरेको जिप दुर्घटना हुन पुगेको हो । घाइते मध्ये ३ जनाको अवस्था गम्भीर रहेको छ । घाइतेहरुको स्थानिय मेडिकलमा उपचारपछि पाल्पाको प्रभासमा उपचारका लागि लगिएको जिल्ला प्रहरी सुचना अधिकारी महेश्वर उपाध्यायले जानकारी दिए ।
गम्भीर घाइते हुनेहरुमा गुल्मीदरवार गाउपालीका २ का २८ वर्षिय धनबहादुर गाहा,२३ वर्षिय प्रेम बहादुर पल्ली, ३५ वर्षिय श्री रास्कोटी रहेका छन । यस्तै सोही ठाउँका १६ वर्षिय एलीसा पाल्पाली ,२३ वर्षिय भिम बहादुर गाहा, २३ बर्षिय सोनु गाहाको अवस्था मध्यम रहेको जिल्ला अधिकारी उपाध्यायले बताए ।
सडकमा गुडिरहेको जिपको एक्कासी ब्रेक फेल हुदा अनियन्त्रित भई सडकबाट करिव ३ सय २५ मिटर तल खसी दुर्घटना भएको प्रहरीले जनाएको छ ।
प्रतिक्रिया