लोकदोहोरी गीत ‘डाँफेचरी’ले दर्शका मन जित्दै, १० दिनमै ६ लाखले हेरे

मायादेवी अनलाइन, तौलिहवा ।
चर्चित गायक बसन्त लम्साल र गायिका शान्ति श्री परियारको स्वरमा सजिएको “डाँफे चरी” गीतले दर्शकको मन जित्दै गएको छ ।

गीतले १० दिन मै ६ लाख दर्शकको भ्युउ पाएको छ । रबिन ज्ञवालीको शब्द रहेको गीतमा गायक बसन्तले नै संगीत भरेका छन् । भिडियोमा पल शाह र रियासा दाहाल र उशा उत्पेतीको अभिनय रहेको छ । आफूले माया गरेको मान्छेलाई अर्कैले लैजान खोज्दाको पीडा पलले देखाएका छन् ।

काजिस श्रेष्ठले निर्देशन गरेको भिडियो अर्जुन तिवारीले खिचेका हुन् । भिडियोमा सम्पादन दीपक बिष्टले गरेका छन् भने कलर प्रबिन भट्टले गरेका छन् । झण्डै ६० वटा गीति एल्बम बजारमा सार्वजनिक गरिसकेका अर्घाखाँची घर भई बुटवललाई बिगत एक दशक देखि कर्मथलो बनाएका गायक लम्साल यस गीतलाई दर्शक तथा स्रोताले मन पराउनेमा पुर्ण आशावादी छन् ।

गायक बसन्तका यसअघिका ‘मृत्यु दण्ड’, ‘बिछोडको घाँउ’, ‘जिउँदै श्रद्धाञ्जली न देउ आत्मालाई’, ‘हाम्रो प्यारो अर्घाखाँची’ टीकटक खोल्दा तिम्रै भिडियो आउँछ लगायतका दर्जनौं गीत चर्चित छन् ।