बसमा बुटवलबाट काठमाडौँ गएका व्यक्तिको साथमा ४० लाख बरामद

काठमाडौँ ।

प्रहरीले सार्वजनिक बस चढेर बुटवलबाट आएका एक व्यक्तिको साथबाट ४० लाख रुपैयाँ नगद बरामद गरेको छ। चन्द्रागिरी नगरपालिका २ नागढुङ्गामा गरिएको जाँचमा नवलपरासी पश्चिम पाल्हीनन्दन गाउँपालिका २ बस्ने ४० वर्षीय व्यास गुप्ताको साथबाट उक्त रकम बरामद भएको र पैसाको स्रोत नखुलेको प्रहरीले जनाएको छ। प्रहरीका अनुसार गुप्ताले झोला र कम्मरपेटीमा लुकाएर उक्त रकम काठमाडौँ भित्र्याउँदै थिए।