पाल्पा–बुटवल सडकखण्डमा सवारी दुर्घटना, ८ जना घाइते

पाल्पा ।
सिद्धार्थ राजमार्ग अन्तर्गत पाल्पा–बुटवल सडकखण्डमा बिहीबार भएको सवारी दुर्घटनामा आठ यात्रु घाइते भएका छन् । तानसेनबाट बुटवलतर्फ जाँदै गरेको लु २ ख ३०६७ नम्बरको टिपरले बुटवलबाट पाल्पा आउँदै गरेको लु १ ख ९९८२ नम्बरको बसलाई ठक्कर दिँदा बसमा सवार यात्रु घाइते भएका हुन् ।

जिल्ला प्रहरी कार्यालयका अनुसार रिब्दीकोट, देउरालीका केशवराज भट्टराई, ख्याहाका शालिकराम विक र चन्द्र बहादुर सुनार, भैरवस्थानका शेरबहादुर थापा, पूर्वखोलाकी हिरादेवी राना, रुपन्देवी बुटवलका पूजा सुनार, तिलोत्तमाकी दुर्पता गैरे, नवलपरासी अस्नैयाका युगेश घर्ति घाइते भएका छन् ।

उनीहरु सबैको लुम्विनी मेडिकल कलेज प्रभासमा उपचार भइरहेको प्रहरीले जनाएको छ । टिपर र चालकलाई पक्राउ गरी अनुसन्धान भइरहेको छ ।