च्याम्पियन्स लिगका १३ खेलसम्म बायर्नको लगातार जित

एजेन्सी ।

च्याम्पियन्स लिग फुटबलमा बायर्न म्युनिखले अपराजित यात्रालाई १३ खेलसम्म पुर्याएको छ ।समूह एमा मंगलबार राति लोकोमोटिभ मस्कोलाई २–१ ले हराउँदै बायर्नले अपराजित यात्रालाई १३ औं खेलसम्म पुर्याएको हो ।

लियोन गोत्र्जकाले बार्यनलाई १३ औं मिनेटमा अग्रता दिलाएका थिए । बेन्जामिन पावर्डको भली क्रसमा हेडमार्फत गोत्र्जकाले बायर्नलाई अघि बढाए ।एन्टोन मिरानचुकले ७० औं मिनेटमा घरेलु टोलीका लागि बराबरी गोल गरे ।

मिडफिल्डर जोशुआ किमिचले ७९ औं मिनेटमा भलीमार्फत बायर्नका लागि विजयी गोल गरे ।प्रशिक्षक हान्सी फ्रिल्किको नेतृत्वमा बायर्नले पछिल्ला ३६ खेलमध्य ३४ खेलमा जित निकालेको छ । हान्सीको नेतृत्वमा बायर्नले च्याम्पियन्स लिगका सबै १० खेलमा जित निकालेको छ ।

समूह एमा शतप्रतिशत जित निकाल्दै बायर्नले ६ अंक जोडेको छ । मस्को टिमको २ अंकमात्र छ ।