इब्राहिमोविचको २ गोल, शीर्ष स्थानको एसी मिलान बराबरीमा रोकियो

एजेन्सी । इटालियन सिरी ए फुटबल अन्तर्गत सोमबार राति भएको खेलमा शीर्ष स्थानको एसी मिलान रोमासँग बराबरीमा रोकिएको छ । घरेलु मैदानमा भएको खेलमा एसी मिलान ३(३ को बराबरीमा रोकिएको हो ।

पहिलो हाफमा दुवै तर्फबाट एक एक गोल भएकोमा दोस्रो हाफमा दुवै टिमले दुई दुई गोल गरेको हो । एसी मिलानका लागि दोस्रो मिनेटमा जाल्टन इब्राहिमोविचले गोल गरे । १४ औँ मिनेटमा इडेन डिजेकोले रोमाका लागि बराबरी गोल फर्काए ।

४७ औँ मिनेटमा एलेक्सिज सिलेमेकर्सले गोल गरी एसी मिलानलाई पुनः अग्रता दिलाए । ७१ औँ मिनेटमा पाएको पेनाल्टीमा जोर्डन वेरेतोउतले गोल गरी रोमालाई बराबरीमा ल्याए ।

७९ औँ मिनेटमा इब्राहिमोविचले पेनाल्टी मार्फत व्यक्तिगत दोस्रो गोल गरेपछि एसी मिलान फेरि अग्रता कायम गर्न सफल भयो । तर ८४ औँ मिनेटमा माराश कुम्बुलाले गोल गरी रोमालाई हारबाट जोगाए ।

बराबरीपछि शीर्ष स्थानको एसी मिलानको पाँच खेलबाट १३ अंक भएको छ । उ दोस्रो स्थानको नापोली र तेस्रो स्थानको सासुओलो भन्दा दुई अंकले अघि रहेको छ ।