कोरोना संक्रमणबाट थप १८ जनाको मृत्यु

काठमाडौँ ।
स्वास्थ्य मन्त्रालयले पछिल्लो २४ घण्टामा थप १८ जनाको कोरोनाबाट मृत्यु भएको जानकारी दिएको छ । यससँगै नेपालमा कोरोनाबाट ज्यान गुमाउनेको संख्या ७ सय ५७ पुगेको छ ।

यसैगरी नेपालमा पछिल्लो २४ घण्टामा थप ३ हजार ७९० जना कोरोना संक्रमित थपिएका छन् । पछिल्लो २४ घण्टामा १५ हजार ७१४ जनाको पीसीआर परीक्षण गरिएको स्वास्थ्य मन्त्रालयले जनाएको छ ।

हाल देशभर सक्रिय संक्रमितको संख्या ४० हजार ७७८ रहेको छ भने ४ हजार ४७० जना क्वारेन्टिनमा छन् ।