नेकपा कपिलवस्तुका पुराना नेता पुरीको निधन

मायादेवी अनलाइन, चार नम्बर ।
कपिलवस्तुमा लामो समय कम्युनिष्ट राजनीतिमा जीवन ब्यतित गर्नु भएका पाका नेता शिबप्रसाद पुरीको निधनमा नेकपा कपिलवस्तुले गहिरो दुख ब्यक्त गरेको छ ।

नेपालको कम्युनिष्ट आन्दोलन र कपिलवस्तुमा नेकपा विस्तारमा अतुलनीय योगदान गर्नु भएका शुद्धोधन ६ बिनिया निवासी पुरीको काठमाण्डौँमा निधन भएको खबरले सिंगो पार्टी पंक्ती स्तब्ध भएको भन्दै नेकपाले एक शोक वक्तव्य जारी गर्दै दुख ब्यक्त गरेको हो ।

अध्यक्ष झविलाल पोख्रेल र सचिव राम चन्द्र शाह विष्णद्धारा जारी वक्तव्यमा भनिएको छ, ‘नेकपाले एक सच्चा कम्युनिष्ट नेता गुमाएको छ । उहाँले कम्युनिष्ट आन्दोलन उचाइमा पुराउन र कपिलवस्तुमा संगठन विस्तार गर्न दिनु भएको योगदान सदैव स्मरणीय छ । दुख र शोकको यो घडीमा आदरणीय कमरेड शिव पुरी प्रति भाबपुर्ण श्रध्दाञ्जलि अर्पण गर्दै शोकाकुल परिवारजनमा हार्दिक समवेदना प्रकट गर्दछौं ।’

पुरीको आइतबार काठमाण्डौँमा उपचारको क्रममा निधन भएको थियो । पुरी कपिलवस्तका पुराना बामपंथी नेता हुनहुन्थ्यो भने नेकपाका पूर्व सचिब तथा जेष्ठ नागरिकका पूर्व सचिब समेत रहनु भएको थियो ।