वडा नम्बर ७ को युवालक्षित कार्यक्रमः ९० खेलाडीले पाए खेल सामाग्री

मायादेवी अनलाइन, चार नम्बर ।

कपिलवस्तुको बाणगङ्गा न.पा.७ नं.वडाले युवा लक्षित कार्यक्रम अन्तर्गत खेलकुदका सामाग्री वितरण गरेको छ ।

विहिबार वडा कार्यालयको सभाहलमा एक कार्यक्रमको आयोजना गरी ९० जना युवा खेलाडीहरुलाई १ लाख बराबरको खेल सामाग्री हस्तान्तरण गरिएको हो । वडा अध्यक्ष विष्णु गिरीले ४५ जनालाई जर्सि, फुटवल, पम्प र ४५ जनालाई किक्रेट खेलका ब्याट, बल, स्ट्याम, ग्लोब्स लगायतका सामाग्री दिनु भएको थियो ।

खेलकुदको माध्यमबाट युवाहरुलाई कुलत लगायतबाट टाढा राखी समाज रुपान्तरणमा लाग्न हौसला पुग्ने अपेक्षासहित सो कार्यक्रम गरिएको वडा अध्यक्ष गिरीले मायादेवी अनलाइनलाई जानकारी दिनुभयो । खेल सामाग्री पाएपछि खेलाडीहरु खुसी भएका छन् ।

वडाले सम्मान स्वरुप दिएको खेल सामाग्रीको सदुपयोग गरी वडालाई खेलकुदमा अगाडी राख्न प्रयास गर्ने खेलाडीहरुले मायादेवीसंग बताए ।