बिष्णु कुमार आले, अर्घाखाँची ।
अर्घाखाँचीको शीतगंगा नगरपालिका वडा नं. ४ सानादह नजिकै मंगलबार साँझ ट्याक्सी दुर्घटना हुँदा एक जना महिला सामान्य घाईते भएकी छन् ।
ठाडा अमराईबाट सानदह तर्फ जाँदै गरेको लु १ च २७६७ नम्बरको ट्याक्सीको उकालो सडकमा एक्कासी ब्रेक नलागे पछि अनियन्त्रित भई सडकबाट करिब ६० मिटर तल खसी दुर्घटना हुँदा अर्घाखाँची शितगंगा ४ निवासी ३० बर्षीया सीता जिसी सामान्य घाईते भएको ईलाका प्रहरी कार्यालय ठाडाका प्रहरी निरीक्षक बाबुराम बस्नेतले जानकारी दिए ।
ट्याक्सी चालक शीतगंगा २ सितापुर निवासी २५ बर्षीय धुव्र क्षेत्रीलाई केही नभएको प्रहरीले जनाएको छ । घाईते महिलाको स्थानीय मेडिकलमा उपचार भैरहेको जनाईएको छ ।
प्रतिक्रिया